“E INTANTO IO PAGO, E PAGHERÒ”

27 dicembri rumilarurici,

pari ca avissi a essiri na rata storica.

A mmia mi pari a solita purcata ca’ retorica.

U cunsigghiu comunali cu durici voti favorevoli, 9 astenuti e unu contrariu,

approvò u pianu ri riequilibriu “sarba” enti, pi 10 anni, u nostru calvariu.

 

Ma a cu’ “sarba” un si sapi,

vistu ca c’è di pahari sulu pi’ nuatri.

Ora pi’ sissanta jorna hann’a travagghiari,

pi cuntiggiari tutti i ddebbiti c’amu a pahari.

E vistu ca nni purtaru nall’emergenza,

tra dissestu e riequilibriu s’abbatti la cuscienza.

Tanti ora s’affrettanu a farinni capiri

ca’un c’è cchiù piriculu pi’ 10 anni a vveniri,

ca’ già l’aliquote massime stamu pahannu

e sta manovra un po’ fari cchiù dannu.

Accussì cu un paha cuntinua a un pahari,

e, cu cui travagghia, si vonnu rifari.

Ri vinniri, si parra, “i nostri gioielli”

mentri pahamu affitti a “questi e a quelli”.

Ma cui si po’ accattari oggi i bbeni nostri?

Vi lassu immaginari, cu l’intelligenzi vostri!

Cu si futtiu i picciuli appi licensa

E ri scopriri cu fu, nuddu ci pensa.

Nni vonnu fari cririri ca un c’è speranza,

e intantu iddi si inchinu sempri a panza.

Amu a truvari un modu pi canciari,

e pi un falli cchiu rusicari.

Cu stu governu nnannu ruvinatu.

U populu sovranu un’ è rappresentatu!

Nuvoletta