17 ottobri 2012: Giangreco, Salamone, Di Matteo, Intravaia, La Fiora; è a Giunta presenti nni sta jurnata.
Pi li quattru e menza è privista a terza puntata.
A Giangrecu a parola pigghia,
e ri li “nefandezze e scorrettezze” ri Lu Biunnu si fa maravigghia.
Idda disoccupata era,
picchì ru Cres avia arristatu fora,
circava travagghiu, u curriculum avia prisintatu
e o’ bannu ru GAL avia partecipatu.
Lu Biunnu, cu veemenza, cuntesta,
run esseri mai statu né rottamatori, né moralista,
ma idda, ri assessora,
u curriculum avia a ritirari ra “main lista”.
N’to sta mentri, Abbruzzo pensa e nni spiega, ricennu nta na sula frasi,
ca dall’UDC nesci e nno gruppu mistu trasi.
E pi du’ uri, nni fannu attintari na longa discursioni:
Capizzi cu Arcidiacunu ci l’havi
pa’ gestioni ri stu cunsigghiu cumunali.
Grippi: “Vengo e mi spiego” rici bbaccagghiannu;
nni cunta ca si “travasanu” i parola
e mentri all’ Arcidiacunu va addifinnennu,
cerca ri mettiri Capizzi cu lu “culu ri fora”!
Mirtu ri lu sinnacu voli a relazioni annuali
pi’ capiri u progettu ri st’amministrazioni, ca jucannu a “scarrica canali”,
accolla a dicisioni ri l’aumentu ri li tassi a stu consigghiu comunali.
Lo Coco nnarreri vulissi turnari,
ri li problemi ra puntata pricidenti vulissi parrari:
‘nveci ri “aria fritta”, u problema ri fognature s’avissi a’ affrontari,
e a ristituire l’oniri di depurazioni non dovuti, l’amministrazioni avissi a pinsari.
Richiama l’attenzioni all’ordini ru jornu, Vittorinu
e parra ri lu so’ impegnu pa’ città e pi lu cittadinu.
D’Alcamu si nni va a lo so’ casa
picchì a riscursioni supra a scola avia a essiri purtata.
Vaglica, doppu ru uri ca r’avutru si parra,
rimetti a’ Giangrecu a la sbarra,
pu’ travagghiu ca tuttu u jornu indefessamenti proruci,
pigghia i so’ difisi, cu la so’ flebili vuci.
E, finarmenti, e sei e mmenza si rapi supra l’IMU a riscursioni.
La Fiora illusta arre’ in pochi paroli a situazioni.
Pi procurari i risorsi nicessari, pu bilanciu ri previsioni,
pari ca a scelta politica ri st’amministrazioni,
è di “sucari u sangu” a la popolazioni.
Ri “ru punta” l’aliquota basi proponi ri isari
e ri 0,76 a 0,96 vulissiru arrivari.
E siccomi, un si po’ “munciri sempri a stessa vacca”,
Mirtu, pi cunta ca nun si ficiru, l’amministrazioni attacca.
Proponi ri controllari l’introiti ri posteggi e ra pubblicità,
pi fari pagari tutta la città.
Lo Coco parra ri amministrazioni precedenti a “Tarallucci e vino”
e di “accanimento terapeutico” supra u cittadino.
D’Eliseo chiede “di questa amministrazione la dimissione”.
A Romanotto, parissi ca a secunna casa a cori ci stassi,
e proponi ri isari, ra prima casa, li tassi.
Polizzotto e La Fiora rispunninu cu competenza,
ca a li tributi minori avissi a ghiri, a cuminciari ri rumani, la loro scienza.
Abbruzzu dichiara ca un havi facci pi vutari sta proposta
e s’appresta a nesciri ri l’aula, pi tutta risposta.
Vittorinu vota pu bbeni ri la città,
mentri Grippi a so’ dichiarazioni d’amuri, a Di Matteo, ci fa.
U sinnacu parra, finarmenti,
pi convinciri a vutari tutti li presenti.
L’opposizioni nesci ri l’aula, tutta cumpatta,
e parissi la vutazioni fatta;
ma manca quarchi votu ancora
e lu sinnacu va pi chiamari l’UDC, ca nisciu fora,
Su i novi e mmenza e a proposta un passa,
e a dumani, a la prossima puntata, nni lassa.
Iddu nesci cu tutti l’assissura a ccura,
‘mprecannu pi quannu cci chiedinu i favura.
Rura menz’ura la quarta puntata
e di l’IMU finiu a parrata.
Stu miliuni c’avia a trasiri nni li cassi ru Cumuni,
u niscissiru iddi ri li so abitazioni.
Nuvoletta
